फ्रान्सेली संसदमा खोप बाध्यकारी बनाउने विधेयक पारित
प्रकाशित मिति : 26 July, 2021 6:36 pm
काठमाडौ । फ्रान्सको संसदमा खोपलाई बाध्यकारी बनाउने विधेयक पारित गरिएको छ ।
डेल्टा भ्यारियन्टले निम्त्याएको समस्याका लाागि कोभिड–१९ खोपलाई बाध्यकारी बनाउन बनेको विधेयकलाई संसदमा पारियो ।
यो पारित विधेयक अनुसार फ्रान्सको स्वास्थ्यकर्मीहरूलाई खोप लिनुपर्ने छ । यसैगरी रेस्टरन्ट जस्ता सार्वजनिक स्थलमा जान पाउन स्वास्थ्य पास आवश्यक हुने बाध्यकारी बनाइएको छ ।
स्वास्थ्य पासमा खोप लिएको र कोरोना निगेटिभ परीक्षण भएको प्रमाण पत्र उपलब्ध गराउनुपर्छ ।
यो विधेयकलाई फ्रान्सको संवैधानिक अदालतमा अन्तिम अनुमोदन गर्नुपर्ने आवश्यकता हुन्छ ।
सरकारले ल्याउन लागेको खोप राहदानीको विरोधमा सडक प्रदर्शन फ्रान्समा भइरहेको छ ।
स्वास्थ्य पासलाई मानवअधिकार र स्वतन्त्रता विरोधी भएको भन्दै सरकारको विरोध प्रदर्शन भइरहेको छ ।
