दाङको तुल्सीपुरमा ह्युमपाईप बिच्छाउन खनिएको खाल्डोमा मोटरसाइकल खस्दा चालकको मृत्यु
प्रकाशित मिति : 27 July, 2021 11:01 am
दाङ । दाङको तुल्सीपुर उपमहानगरपालिका–७ पर्सेनीमा मोटरसाइकल दुर्घटना हुँदा १ जनाको मृत्यु भएको छ ।
बाटो निर्माणको लागि खनेको खाडलमा परेर मोटरसाइकल दुर्घटना हुँदा टरिगाउँका ३८ वर्षीय चुडामणि भण्डारीको मृत्यु भएको इलाका प्रहरी कार्यालय तुलसीपुरका प्रहरी निरीक्षक झलक शर्माले जानकारी दिए ।
तुल्सीपुरबाट बिजौरी जाँदै गरेको रा ६ प ७२५ नम्बरको मोटरसाइकल ह्युमपाईप बिच्छाउन खनिएको खाल्डोमा खसेको थियो ।
