नेकपाको केन्द्रीय सदस्यमा शिवमाया तुम्बाहाङ्फे मनोनित
प्रकाशित मिति : 29 January, 2020 3:51 pm
![](https://i0.wp.com/www.lumbinisanchar.com/wp-content/uploads/2020/01/Nomination_File_Deputy_Speaker_Shivamaya_Tumbahamfe_04-3-scaled.jpg?fit=2560%2C1708&ssl=1)
१५ माघ, काठमाडौं ।
मंगलबार बसेको नेकपा सचिवालयको बैठकले निवर्तमान उपसभामुख शिवमाया तुम्बाहाङ्फेलाई केन्द्रीय सदस्यमा मनोनित गरेको छ ।
निवर्तमान उपसभामुख रहेकी तुम्बाहाङफेले गत गत माघ ६ गते राजीनामा दिएकी थिइन् । तुम्बाहाङफे केन्द्रीय सदस्यमा मनोनित भएसँगै उनलाई आजबाट सुरु भएकाे केन्द्रीय समिति बैठकमा सहभागी हुने बाटो खुलेको छ ।
तुम्बाहाङ्फेले तत्कालीन एमालेको केन्द्रीय सदस्य थिइन् । उपसभामुख बनेपछि दलीय आबद्धता त्याग्नुपर्ने संवैधानिक प्रावधानअनुरूप उनले पार्टीको सदस्यता त्यागेकी थिइन् ।
गत असोजमा सभामुख रिक्त भएपछि त्यसकाे पूर्तिका लागि उनले नेकपाकै आग्रह अनुसार पदबाट राजीनामा गरेकी थिइन् । पार्टी आग्रहअनुसार राजीनामा गरेकी तुम्बाहाङ्फेले पुनः सक्रिय राजनीतिमा आउने इच्छा व्यक्त गरेपछि नेकपाले उनलाई केन्द्रीय सदस्यमा मनोनित गरेको हो ।