सप्तरीको छिन्नमस्ता भगवतीको मुकुट भेटियो,एक जना पक्राउ
प्रकाशित मिति : 2 August, 2021 8:37 am
काठमाडौं । आइतबार साँझ चोरी भएको छिन्नमस्ता भगवतीको मुकुट भेटिएको सप्तरी प्रहरीले जनाएको छ । छिन्नमस्ता गाउँपालिका–३ स्थित छिन्नमस्ता भगवतीको मुकुट आज बिहान भेटिएको हो ।
जिल्ला प्रहरी कार्यालय सप्तरीका प्रवक्ता डीएसपी माधव काफ्लेले विष्णुपुर गाउँपालिका–५ मझाउ गाउँबाट मुकुट फेला पारिएका जानकारी दिए । स्थानीय राजेशकुमार मण्डललाई मुकुटसहित नियन्त्रणमा लिइएको छ ।
मुकुट ८ सय ५० ग्राम तौलको छ । सीमा सिल गरी मुकुटको खोजी गरिएको थियो ।
