साउन २२ गते देखि चिनियाँ खोप भेरोसेलको दोस्रो मात्रा लगाइने
प्रकाशित मिति : 3 August, 2021 1:59 pm
काठमाडौं । कोभिड १९ विरुद्धको चिनियाँ खोप भेरोसेलको दोस्रो मात्रा यहि साउन २२ गतेदेखि लगाइने भएको छ ।
जिल्ला स्वास्थ्य कार्यालय काठमाडौंका अनुसार भेरोसेलको पहिलो मात्रा लगाएर तीन साता पुरा भएकालाई दोस्रो डोज दिइने भएको हो ।
१ लाख ६५ हजार जनालाई भेरोसेलको दोस्रो मात्रा लगाइने कार्यालयले जनाएको छ । दोस्रो मात्रा खोप लगाउन विद्युतीय दर्ता नम्बर र खोप कार्ड लिएर जानुपर्ने जनाइएको छ ।
