देशभर ३३८३ जना कोरोना संक्रमित थपिए,२४ जनाको मृत्यु

काठमाडौं । पछिल्लो २४ घण्टामा ३,३८३ जना कोरोना संक्रमित थपिएका छन् ।

१६,७१८ जनामा परीक्षण गर्दा ३,३८३ जनामा कोरोना संक्रमणको पुष्टि देखिएको हो । यससँगै देशभर सक्रिय कोरोना संक्रमितको संख्या ३२०५९ पुगेको छ ।

संक्रमित मध्य ६८६ जना सघन उपचार कक्षामा र १६२ जना भेन्टिलेटरमा उपचाररत रहेका छन् । त्यस्तै २९,०२२ जना होम आइसोलेसनमा,३०३७ जना संस्थागत आइसोलेसनमा र ३७१ जना क्वारेन्टाइनमा रहेको स्वास्थ्य तथा जनसंख्या मन्त्रालयले जनाएको छ ।

मन्त्रालयले सार्वजनिक गरेको तथ्याङ्क अनुसार थप २४ जनाको मृत्यु भएको छ भने १९९४ जना निको भएका छन् । पछिल्लो २४ घण्टामा १,९८,४५९ जनाले कोरोना विरुद्धको खोप लगाएका स्वास्थ्य तथा जनसंख्या मन्त्रालयले जनाएको छ ।