भुटानले दिएको ३ लाख मात्रा अष्ट्राजेनेका खोप काठमाडौं आइपुग्यो
प्रकाशित मिति : 6 August, 2021 11:10 am
काठमाडौं । भुटान सरकारले उपलब्ध गराएको तीन लाख डोज अष्ट्राजेनेका खोप काठमाडौं आइपुगेको छ ।
खोप ल्याएर आएको भुटानको ड्रुक एयरलाइन्सको जहाज बिहान सवा ९ बजे त्रिभुवन अन्तराष्ट्रिय विमानस्थलमा अवतरण गरेको छ ।
भुटानले आफ्ना नगरिकलाई लगाएपछि बचेको खोप नेपाललाई उपलब्ध गराएको हो ।
भुटानबाट आएको खोप कोभिसिल्डको पहिलो डोज लगाएका तर दोस्रो डोज लगाउन नपाएका जेष्ठ नागरिकलाई दिइने तयारी छ ।
