बाँकेमा भरुवा बन्दुक र १ थान कटुवा पेस्तोल सहित एकजना पक्राउ
प्रकाशित मिति : 6 August, 2021 12:42 pm
बाँके । बाँकेमा बन्दुक र १ थान कटुवा पेस्तोलसहित एक जना पक्राउ परेका छन् ।
नरैनापुर गाउँपालिका वडा नम्बर ६ को दोन्द्र गाउँका ५० वर्षीय छोटेलाल राढ पक्राउ परेका हुन् । राढले हातहतियारको बिक्रि गरिरहेको सूचनाको आधारमा लुम्बिनी प्रदेश प्रहरी अनुसन्धान दाङको प्रहरी टोली राढलाई पक्राउ गरेको जिल्ला प्रहरी कार्यालय दाङले जनाएको छ ।
राढलाई भरुवा बन्दुक थान १, भरुवा बन्दुकमा लाग्ने छर्रा थान ३ तथा कटुवा पेस्तोल थान १ सहित नियन्त्रणमा लिइएको जिल्ला प्रहरी कार्यालय बाँकेले जनाएको छ ।
