रोल्पामा स्थानीय तहद्वारा गाउँ प्रहरी भर्ना सुरु
प्रकाशित मिति : 8 August, 2021 11:30 am
काठमाडौं । रोल्पाको माडी गाउँपालिकाले प्रहरी भर्ना प्रक्रिया सुरु गरेको छ ।
गाउँपालिकाले सार्वजनिक सूचना निकालेर गाउँ प्रहरी सहायक निरीक्षक र गाउँ प्रहरी जवान पदका लागि भर्ना सुरु गरेको हो ।
गाउँ प्रहरी सहायक निरीक्षकमा १ जना र गाउँ प्रहरीमा ६ जना गरी ७ जना भर्ना प्रक्रिया सुरु गरिएको छ । स्थानीयलाई प्राथमिकता दिने गाउँपालिकाको सूचनामा उल्लेख छ ।
भर्ना हुने गाउँ प्रहरी करारमा रहने छन् । साउन ५ गते सूचना जारी गरेर दर्खास्त आव्हान गरेको गाउँपालिकाले भदौ ७ गतेपछि छनौट चरण सुरु गर्ने जनाएको छ ।
