देशभर ३,६५१ जना कोरोना संक्रमित थपिए,२२ जनाको मृत्यु

काठमाडौं । देशभर ३,६५१ जना कोरोना संक्रमित थपिएका छन् ।  पछिल्लो २४ घण्टामा १६,५९४ जनामा परीक्षण गर्दा ३,६५१ जनामा कोरोना संक्रमणको पुष्टि भएको स्वास्थ्य तथा जनसंख्या मन्त्रालयले जनाएको छ ।

यसँगै देशभर सक्रिय कोरोना संक्रमितको संख्या ३६,२८८ पुगेको छ ।

थप १,७८४ जना निको भएका छन् भने २२ जनाको मृत्यु भएको छ । संक्रमित मध्य ७४१ जनाको सघन उपचार कक्षमा उपचार भइरहेको छ भने १८६ जनाको भेन्टिलेटरमा उपचार भइरहेको छ ।

संक्रमित मध्य ३२,९०७ होम आइसेलेसनमा, ३,३८१ जना संस्थागत आइसोलेसनमा र ४४१ जना क्वारेन्टाइनमा रहेको स्वास्थ्य तथा जनसंख्या मन्त्रालयको तथ्याङ्कमा उल्लेख छ ।