देशभर ३,४८१ जना कोरोना संक्रमित थपिए,३० जनाको मृत्यु
प्रकाशित मिति : 11 August, 2021 5:03 pm
काठमाडौं । देशभर ३,४८१ जना नयाँ कोरोना संक्रमित थपिएका छन् ।
हिजोको तुलनामा आज कम संक्रमित भेटिएका हुन् । स्वास्थ्य तथा जनसंख्या मन्त्रालयले सार्वजनिक गरेको तथ्याङ्क अनुसार १६,६५६ जनामा परीक्षण गर्दा ३,४८१ जनामा संक्रमणको पुष्टि भएको हो ।
यससँगै सक्रिय संक्रमितको संख्या ३८,०३३ पुगेको छ । संक्रमित मध्य ३४,८१३ जना होम आइसेलेसनमा, ३,२२० जना संस्थागत आइसोलेसनमा रहेका छन् ।
३९९ जना क्वारेन्टाइनमा रहेका छन् । त्यस्तै पछिल्लो २४ घण्टामा नै १,८८५ जना निको भएका छन् भने ३० जनाको मृत्यु भएको छ ।
