लुम्बिनी प्रदेशको मुख्यमन्त्रीमा माओवादी केन्द्रका नेता कुलप्रसाद केसी नियुक्त
प्रकाशित मिति : 12 August, 2021 4:00 pm
रुपन्देही । लुम्बिनी प्रदेशमा मुख्यमन्त्रीको रुपमा माओवादी केन्द्र प्रदेश संसदीय दलका नेता कुलप्रसाद केसी नियुक्त भएका छन्।
प्रदेश प्रमुख शेरचनले केसीलाई संविधानको धारा १६८ को उपधारा २ बमोजिम मुख्यमन्त्री नियुक्त गरेका हुन् । प्रदेश प्रमुख अमिक शेरचनले आज ३ बजेसम्म मुख्यमन्त्रीमा दाबी गर्न हिजो समय दिएका थिए ।
नेपाली कांग्रेस, माओवादी केन्द्र, जनता समाजवादी पार्टी र राष्ट्रिय जनमोर्चाको गठबन्धनले केसीको नेतृत्वमा नयाँ सरकारका लागि ४२ जना सांसदको हस्ताक्षरसहित दाबी पेश गरेको थियो।
केसी रोल्पा १ (क)बाट निर्वाचित प्रदेश सांसद हुन् ।
