धानबाली विशेषज्ञ भोलामान सिंह बस्नेतको निधन
प्रकाशित मिति : 14 August, 2021 5:26 pm
काठमाडौं । वरिष्ठ धानबाली विशेषज्ञ भोलामान सिंह बस्नेतको निधन भएको छ । कोभिड–१९ सङ्क्रमणका कारण बस्नेतको ७१ वर्षका उमेरमा आज ओम अस्पताल काठमाडौंमा निधन भएको हो ।
नेपाल कृषि अनुसन्धान परिषद् (नार्क) मा लामो समयसम्म वरिष्ठ धानबाली विशेषज्ञका रुपमा सेवा पु¥याएका बस्नेत सेवा निवृत्त भएपछि अन्तर्राष्ट्रिय धान बाली अनुसन्सधान केन्द्र (इरी)मा संलग्न थिए ।
नेपालमा हिउँदै धान खेतीको सुरुआत तथा असार १५ लाई धान दिवसका रुपमा मनाउने निर्णय गराउनमा उनको ठूलो योगदान रहेको थियो । बस्नेतका दुई छोरी र एक श्रीमती छन् ।
