टोकियो पाराओलम्पिकको एथलिट भिलेजमा पहिलो कोभिड संक्रमित
काठमाडौं । टोकियो पाराओलम्पिकको एथलिट भिलेजमा पहिलो कोभिड–१९ संक्रमित फेला परेको छ । जापानको कोरोनाभाइरस संक्रमित लहरका कारण समस्यामा रहेको छ ।
पाराओलम्पिक २४ अगस्टमा सुरु हुने भएको छ । अपाङहरूको सहभागितामा सम्पन्न हुने यो पारा ओलम्पिकमा भाग लिने एथलिटहरूका लागि छुट्टयाइएको क्षेत्रलाई एथलिट भिलेज भनिएको हो ।
जापानको स्थायी बासिन्दा नरहेको तर खेलकुदसँग सम्बन्धित व्यक्ति भएको जापान टुडेले जनाएको छ । पारा ओलम्पिकका लागि एथलिट भिलेज मंगलबारदेखि खुला गरिएको हो ।
यो खेलकुदमा विश्वभरका १६० टोलीका गरी ४४०० एथलिटले भाग लिनेछन् । यसअघि अगस्ट ८मा सम्पन्न भएको टोकियो ओलम्पिक ट्वेन्टी ट्वेन्टीको १५ पछि टोकियो पारा ओलम्पिकको आयोजना गर्न लागिएको हो ।
ओलम्पिकमा सम्बन्धित व्यक्तिहरूमा ५४६ जना संक्रमित भएको रिपोर्ट रहेको छ । हालका दिनमा दैनिक २० हजार भन्दा बढी दैनिक संक्रमित जापानमा रेकर्ड गरिएको छ ।
जापान सरकारले १३ क्षेत्रमा आपत्कालीन लकडाउन सेप्टेम्बर १२सम्म विस्तार गरेको छ ।
