अमेरिकी विमानमा अफगानी महिलाले शिशु जन्माइन
प्रकाशित मिति : 22 August, 2021 1:46 pm
काठमाडौ । अफगानिस्तानबाट नागरिक उद्धार गर्न प्रयोग गरिएको एक अमेरिकी विमानमा सवार एक अफगानी महिलाले एक शिशु जन्माएकी छिन् ।
अमेरिकाको हवाई परिचालन कमान्डले मध्यपूर्वबाट जर्मनीको रामस्टिन हवाई शिविरका लागि उडेको विमानबाट यात्रा गरिरहेकी ती महिलाले आइतबार शिशुको जन्मदिएकी हुन् ।
महिलालाई जटिलता बढेपछि विमानका कमान्डले सहजीकरण गरिदिएका कारण आमा र बच्चाकाे स्वास्थ्य संकट हुन पाएन ।
विमान अवतरण गरिएपछि अमेरिकी सेनाका चिकित्सकहरूले आएर शिशु जन्माउन सहयोग गरेका छन् । आमा र शिशु दुवै सकुशल रहेको बीबीसीले जनाएको छ ।
