अलकायदाका नेता ओसामाले बाइडनलाई मार्न खोजेका लडाकुलाई किन रोकेका थिए ?
काठमाडौं । सन् २०००मा अमेरिकाको कट्टर शत्रु संगठन अल कायदाले मार्न खोजेको अहिलेका अमेरिकी राष्ट्रपति जो बाइडनलाई अल कायदाका संस्थापक सर्वोच्च नेता ओसामा बिन लादेनले जोगाएको खुलेको छ ।
यो खुलासा भएपछि अमेरिकी राष्ट्रपति बाइडनको राजनीतिक पक्षमा समस्या बढेको देखिएको कतिपयको भनाइरहेको छ ।
ओसामाले बाइडनलाई राष्ट्रपति पदका लागि कमजोर नेताको रूपमा लिएको खुलेको छ । बाइडनको ठाउँमा उनले तत्कालीन राष्ट्रपति बराक ओबामालाई मार्न खोजेका थिए ।
अमेरिकी मिडिया रिपोर्टहरूका आधारमा सन्२०१०मा आफ्ना सहयोगीलाई लेखेको पत्रमा यस्तो लेखिएको पाइएको छ ।
त्यो पत्रमा बाइडनलाई राष्ट्रपति बन्ने कुरो उल्लेख गरिएको छ । अयोग्य राष्ट्रपतिको रूपमा बाइडन भए अल कायदालाई लाभ मिल्ने योजना ओसामाले बनाएका थिए ।
३ मे २०१२मा अमेरिकी न्युज च्यानल एबीसी वेबसाइटमा प्रकाशित खबरका आधारमा यो पत्रमा ओसामाले अल कायदा लडाकुलाई ओबामाको हत्याको योजना बनाउन भनेका थिए ।
बाइडनमााथि हमला नगर्न ओसामाले निर्देश दिएका थिए ।
ओसामाको ४८ पृष्ठको डायरीमा ३६औं पृष्ठमा यस्तो विषय उल्लेख गरिएको छ ।
ओबामालाई मारे पछि बाइडन राष्ट्रपति हुन सक्ने योजना ओसामाको रहेको देखिन्छ ।
