यसरी आफै परिर्वतन गर्नुहोस् मेरो सेयरको पासवर्ड
काठमाडौं । मेरो सेयरको पासर्वर्ड अब आफैले परिर्वतन गर्न सकिने भएको छ । केन्द्रीय निक्षेप प्रणाली(सिडिएससि)ले शुक्रवारदेखि मेरो शेयरको पासवर्ड परिवर्तन गर्ने फिचर थप गरेको छ।
सिडिएससिले मेरो शेयरको वेबसाइटमा उक्त फिचर थप गरेको हो। फिचर थप गरेसँगै सर्वसाधारणले अब आफै पासवर्ड परिवर्तन गर्न सक्ने छन्। कसैले मेरो शेयरको पासवर्ड बिर्सिएको भए फरगेट पासवर्डमा गएर फेर्न गर्न सक्नेछन्।
उक्त फिचरमा क्लिक गरेसँगै लगानीकर्ताले आफ्नो निक्षेप सदस्यको नाम दाखिला गर्नु पर्ने हुन्छ। साथै आफ्नो युजर नेम र जन्म मिति दाखिला गरेपछि पासवर्ड परिवर्तन हुनेछ।
परिवर्तित पासवर्ड सिस्टमले नै इमेलमा पठाउने छ। इमेलमा आएको पासवर्ड प्रयोग गरी खाता चलाउन सक्नेछन्।
यस अघि भने पासवर्ड बिर्सिदा सर्वसाधारणले निक्षेप सदस्यहरूलाई नै भन्नु पर्ने स्थिति रहेको थियो। जसले गर्दा समय लाग्ने गरेको थियो।
