उखु किसानकाे समस्या समाधान गर्न राष्ट्रिय किसान आयोगको सरकारलाई ध्यानाकर्षण
प्रकाशित मिति : 24 August, 2021 6:19 pm
काठमाडौं । कृषि तथा पशुजन्य उत्पादन बिक्री वितरणमा असहजता र उखु उत्पादन गर्ने कृषकहरुले भुक्तानी नपाएकोमा राष्ट्रिय किसान आयोगको ध्यानाकर्षण भएको जनाएको छ ।
आयोगका अध्यक्ष डा. प्रेम प्रसाद दंगालले जारी गरेकाे विज्ञप्तीमा कृषि तथा पशुजन्य उत्पादन बिक्रीमा सहज बनाउन आग्रह गरिएकाे छ । उखु उत्पादक र चिनी मिलका व्यवस्थापन बीच भएको सम्झौता अनुसार कृषकले पाउनु पर्ने बक्यौता रकम भुक्तानी गर्ने वातावरण मिलाउन नेपाल सरकारलाई ध्यानाकर्षण गराएको हो ।
