पेट्रोलियम पदार्थको मूल्यवृद्धिको बिरोधमा अर्घाखाँचीमा प्रदर्शन
प्रकाशित मिति : 24 August, 2021 6:33 pm
अर्घाखाँची । सरकारले पेट्रोलियम पदार्थमा गरेको मूल्यवृद्धिको बिरुद्धमा अर्घाखाँची जिल्लाको सदरमुकाम सन्धिखर्कमा प्रदर्शन गरिएको छ ।
विप्लव नेतृत्वको नेपाल कम्युनिष्ट पार्टी निकट भातृ संगठन अनेरास्ववियु क्रान्तिकारी जिल्ला समिति अर्घाखाँचीको मूल्यवृद्धिको बिरोध गरेको हो ।
विरोध कार्यक्रम बोल्दै अखिल क्रान्त्किारीका जिल्ला इन्चार्ज नबिन खड्काले सरकारले २४ घण्टा भित्र मुल्यवृद्धि फिर्ता नलिए सडक आन्दोलन गर्ने चेतावनी दिए ।
सरकारले जनतालाई सरकारको अनुभूति दिलाउन नसकेका कारण जनताले आफ्नो व्यवस्थामा परिवर्तन ल्याउनका लागि जनमत संग्रह खोजेको बताउदै अब बैज्ञानिक समाजबादको लागि संघर्ष गर्नुपर्ने उनले बताए ।
कार्यक्रममा अखिल क्रान्तिकारी अध्यक्ष बाबुराम नेपालीले जनताको व्यवस्थामा परिवर्तन ल्याउनको लागि विद्यार्थी एकतामा जोड दिए ।
