विश्व बैंकले अफगानिस्तानका लागि सहयोग रकम रोक्यो
प्रकाशित मिति : 25 August, 2021 2:54 pm
काठमाडौं । विश्व बैंकले अफगानिस्तानका परियोजनाका लागि विनियोजित रकम रोक्ने निर्णय गरेको छ ।
तालिबानले काबुल कब्जा गरेपछि त्यहाँको विकसित परिस्थितिका आधारमा विश्व बैंकले यो निर्णय लिएको हो ।
तालिबानले कब्जा लिएपछि देशको विकास परिदृश्यमा पर्ने असर कसरी पर्ने, विशेषगरी महिलाको सन्दर्भमा त्यसका आधारमा चिन्ता गरी विश्व बैंकले अफगानिस्तानका परियोजनाका लागि रकम रोक्ने निर्णय गरेको हो ।
अन्तर्राष्ट्रिय मुद्रा कोषले अफगानिस्तानको भुक्तानी रोक्ने निर्णय गरेको केही दिन पछि विश्व बैंकले यस्तो निर्णय गरेको हो ।
अमेरिकाको बाइडन प्रशासनले पनि अफगानिस्तानको केन्द्रीय बैंकले अमेरिकामा राखेको सम्पत्ति पनि रोक्का गरेको बीबीसीले आफ्नो समाचारमा जनाएको छ ।
