पाँच दलीय गठबन्धन अब अघि बढ्छ :नेपाल

काठमाडौं । नेकपा एकीकृत समाजवादीका अध्यक्ष माधवकुमार नेपालले अब पाँच दलीय गठबन्धन अगाडि बढ्ने बताएका छन् ।

निर्वाचन आयोगबाट प्रमाण पत्र प्राप्त गरेपछि पहिलो पटक आयोजना गरिएको पत्रकार सम्मेलनमा अध्यक्ष नेपालले पत्रकारहरूको प्रश्नको जवाफ दिँदै अब औपचारिकरूपमा पाँच दलीय गठबन्धन अघि बढ्ने बताए ।

उनले भने “हामीले जुन पार्टी गठन गरेका छौं । यो पुनगर्ठन नै हो । नाम नजुधोस भन्ने हुन्छ । ”

नेपाल कम्युनिस्ट पार्टी छोडेर जाँदैनौं भन्दै नेता नेपालले भने“ कम्युनिस्ट पार्टी लोकप्रिय छ , कम्युनिस्ट आन्दोलन लोकप्रिय छ । लोकतन्त्रको अर्को आन्दोलन कम्युनिस्ट आन्दोलन हो ।”