प्रधानसेनापतिमा शर्मा नियुक्त
प्रकाशित मिति : 27 August, 2021 6:34 pm
काठमाडौं । नेपाली सेनाका कायममुकायम प्रधानसेनापति प्रभुराम शर्मालाई प्रधानसेनापति नियुक्त गरिएको छ ।
शुक्रबार राष्ट्रपति विद्यादेवी भण्डारीले शर्मालाई नेपाली सेनाको प्रधानसेनापतिमा नियुक्त गरेकी हुन् ।
मन्त्रिपरिषद्को सिफारिसमा राष्ट्रपति भण्डारीले कायममुकायम प्रधान सेनापतिको कार्यभार सम्हाल्दै आएका शर्मालाई प्रधानसेनापतिमा नियुक्त गरेकी हुन् ।
संविधानको धारा २६७ को उपधारा ५ बमोजिम शर्मालाई भदौ २४ गतेदेखि लागू हुने गरी सो पदमा नियुक्त गरिएको राष्ट्रपति कार्यालयले शुक्रबार एक विज्ञप्ति जारी गरी जनाएको छ ।
