अमेरिकी राष्ट्रपति डोनाल्ड ट्रम्प फागुन १२ मा भारत आउने
प्रकाशित मिति : 11 February, 2020 3:42 pm
काठमाडौ, २८ माघ ।
एजेन्सी । अमेरिकाका राष्ट्रपति डोनाल्ड ट्रम्प यही महिना भारत यात्रामा आउने भएका छन् । भारतका प्रेस सचिवको तर्फबाट जारी वक्तव्यमा ट्रम्प २४–२५(फागुन १२–१३) फेब्रुअरीको दिन भारतमा हुनेछन् ।
अमेरिका राष्ट्रपतिसँग उनको पत्नी मेलानिया पनि आउने छिन्। भारत यात्राको दौरान ट्रम्पले दिल्ली र अहमदावादको भ्रमण गर्नेछन् । अमेरिकी सरकारको तर्फबाट जारी गरिएको बयानमा अघिल्लोहप्ता राष्ट्रपति ट्रम्प र प्रधानमन्त्री मोदीबीच फोनमा कुराकानी भयो ।
भ्रमणको दौरान दुई देशका नेताले भारत र अमेरिकाको जनताबीच सम्बन्ध अभिवृद्धि गर्ने र दुवै देशबीच रणनीतिक साझेदारी थप बलियो बनाउने सहमति जनाउनेछन् ।
