अल कायदाका नाइके लादेनलाई हतियार बेच्ने अफगानी घर फर्किए
काठमाडौं । आतंकवादी संगठन अल कायदाका संस्थापक ओसामा बिन लादेनलाई हतियार बेच्ने अफगानिस्तानी लडाकु नेता अमिन उल हक २० वर्ष पछि घर फर्किएका छन् ।
लादेनका निकटतम मध्येका एक अमिन अमेरिकाले अफगानिस्तानमाथि आक्रमण गरेको एक वर्ष भित्र पाकिस्तान छिरेका थिए ।
अफगानिस्तानबाट अमेरिकी सेना फिर्ता हुन केही समय अघि नांगरहार प्रान्तस्थित घरमा अमिन गए ।
२००१को सेप्टेम्बर ११मा अल कायदाले अमेरिकामा हवाई आक्रमण गरेको थियो । त्यसको जवाफमा अफगानिस्तानमा आक्रमण गरियो ।
त्यो आक्रमणका बेला लादेन तोराबोराको गुफामा लुकेका थिए । अमिन पनि तोराबोरा गुफामा लुकेका थिए ।
पछि पाकिस्तान पुगेका थिए ।
उनको अफगानिस्तान पुनरागमनबाट त्यहाँ अल कायदा बलियो हुने विश्वास गरिएको छ ।
पाकिस्तानमा पक्राउ पर्दा त्यहाँको सुरक्षा नियोगले अमिन विरूद्ध कुनै प्रमाण फेला गर्न सकेपछि रिहा भएका थिए ।
लादेन मारिएको ६ महिना पछि अमिनलाई रिहा गरिएको थियो ।
सन् २००१मा विश्वभरिका आतंकवादीहरूको सूचीमा अमिनको नाम पनि सामेल गरिएको थियो ।
