कोभिड १९ विरुद्धको खोप लगाउनेको संख्या १ करोड माथि
प्रकाशित मिति : 1 September, 2021 5:26 pm
काठमाडौं । कोरोना भाइरस कोभिड १९ विरुद्धको खोप लगाउनेको संख्या १ करोड माथि पुगेको छ । हालसम्म देशभर १ करोड ८२ हजार १ सय ६४ जनाले कारोना विरुद्धको खोप लगाइसकेको स्वास्थ्य सेवा विभाग अन्तर्गत परिवार कल्याण महासाखाले जनाएको छ ।
जसमध्ये ५४ लाख २४ हजार ८३६ जना अर्थात १८ प्रतिशतले पहिलो मात्रा खोप लगाइसकेका छन् भने ४६ लाख ६७ हजार ३२८ जना अर्थात १५ प्रतिशतले पूर्ण खोप लगाएका महाशाखाले जनाएको छ ।
