पछिल्लो २४ घण्टामा देशभर १७५६ जना संक्रमित थपिए भने २३ जनाको मृत्यु
काठमाडौं । पछिल्लो २४ घण्टामा देशभर १७५६ जना कोरोना संक्रमित थपिएका छन् भने २३ जनाको मृत्यु भएको छ ।
९ हजार ७७३ नमुनाको पीसीआर परीक्षण गर्दा १ हजार ३५७ र ४ हजार ५६१ एन्टिजेन परीक्षण गर्दा ३९९ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
हालसम्म २ हजार २७४ जना निको भएका छन् । नेपालमा कोरोना संक्रमितको कुल संख्या ८ लाख ५१ हजार ९६४ पुगेको छ । तीमध्ये ७ लाख २३ हजार ४५६ जना निको भएका छन् भने १० हजार ८०९ जनाको मृत्यु भएको मन्त्रालयले भएको छ ।
पछिल्लो २४ घण्टामा काठमाडौं उपत्यकामा ६६७ जना कोरोना संक्रमित थपिएका छन् ।
त्यस्तै हाल देशभर रहेका सक्रिय संक्रमितमध्ये ३० हजार ६६२ जना होम आइसोलेसनमा रहेका छन् । यस्तै संस्थागत आइसोलेसनमा २ हजार ३४४ जनामध्ये ५४० जनाको आईसीयू र १५६ जनाको भेन्टिलेटरमा उपचार भइरहेको मन्त्रालयले जनाएको छ ।
