पछिल्लो २४ घण्टामा देशभर १८९७ जना संक्रमित थपिए, २० जनाको मृत्यु
काठमाडौं । पछिल्लो २४ घन्टामा नेपालमा थप १ हजार ८९७ जनामा कोरोना संक्रमित थपिएका छन् भने २० जनाको मृत्यु भएको छ ।
११ हजार ६०९ जनाको पीसीआर र ४ हजार ३७० जनाको एन्टीजेन गरि १५ हजार ९९७ जनाको परीक्षण गर्दा १ हजार ८९७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार सोही अवधिमा थप २० जनाको कोरोना संक्रमणका कारण मृत्यु भएको छ । यससँगै नेपालमा कोरोनाका कारण मृत्यु हुनेको संख्या १० हजार ८ सय ५८ जना पुगेको छ भने ७ लाख २८ हजार ९२८ जना संक्रमणमुक्त भएको मन्त्रालयले जनाएको छ ।
सोमबार थपिएसँगै नेपालमा कोरोना संक्रमितको कुल संख्या ७ लाख ७० हजार ७७९ पुगेको छ । हाल देशभर सक्रिय संक्रमितको संख्या ३० हजार ९७३ जना रहेका छन् ।
जसमध्ये २८ हजार ९११ जना होम आइसोलेसनमा रहेका छन् भने २ ६२ जना संस्थागत आइसोलेसनमा रहेका छन् । कोरोनाका बिरामीमध्ये ५१२ जना आईसीयू र १६३ जना भेन्टिलेटरमा उपचाररत् छन् ।
