गौर नगरपालिकामा वेथिति : इन्धनमै रु.३० लाख र खाना विविधमा रु. ३९ लाख भन्दा बढी खर्च
काठमाडौं । रौतहटको गौर नगरपालिकाको बेरुजु रु. ६ करोड ५८ लाख ५८ हजार देखिएको छ ।
महालेखापरीक्षकको कार्यालयको प्रतिवेदन २०७८ अनुसार बेरुजु देखिएको मध्य रु.१९ लाख ८४ हजार असुल गर्नुपर्ने, रु.२ करोड ५१ लाख ६८ हजार नियमित गर्नुपर्ने,३ करोड २६ लाख ७५ हजार र पेश्की बाँकी रु.६० लाख ३१ हजार रुपैयाँ रहेको छ ।
महालेखाले गौर नगरपालिकामा खान तथा विविधि खर्च र इन्धन खर्चमा समेत अनियमिता भएको औंल्याएको छ । खाना तथा विविध खर्चमा मात्रै गौर नगरपालिकाले रु.३९ लाख ४९ हजार ५६ रुपैयाँ खर्च गरेको छ ।
महालेखाले यस्तो खर्चमा मितव्ययीता काम गर्न सुझाव दिएको छ । यस्तै इन्धन खर्चमा आर्थिक वर्ष २०७६।७६ मा ३० लाख ५७ हजार रुपैयाँ खर्च गरेको छ ।
नगरपालिकाले कार्यालयमा रहेका सवारी साधनको लागि पाउने इन्धन सुविधा सम्बन्धमा मापदण्ड,कार्यविधि नबनाएको महालेखाको प्रतिवेदनमा उल्लेख छ ।
महालेखाले भनेको छ,“नगरपालिकामा रहेका सवारी साधानमा डिजल पेट्रोल चल्ने सवारी सधानको छुट्टा छुट्टै अभिलेख राखी कुपन सिस्टमबाट इन्धन सुविधा उपलब्ध गराएको पनि र सवारी लकबुकको प्रभावकारी कार्यान्वयन गरेको छैन ।”
आर्थिक वर्ष २०७६।७७ मा गौर नगरपालिकाले रु. ३० लाख ५७ हजार खर्च गरेको छ ।
महालेखाले भनेको छ,“लकबुकको प्रभावकारी कार्यान्वयन बेगर इन्धन खर्च समेत लेखेको देखिएको इन्धन आवश्यकताको यथार्थता नहुने हुँदा खर्चमा मितव्ययीता एवं नियन्त्रात्मक पद्धती अबलम्बन गरिएको नदेखिएको उक्त खर्चमा नियन्त्रण हुनुपर्दछ ।”
