सुनचाँदीको मूल्यमा सामान्य वृद्धी

काठमाडौं । साताको अन्तिम दिन आज नेपाली बजारमा सुनचाँदी मूल्य सामान्य बढेको छ ।

नेपाल सुनचाँदी व्यवसायी महासंघकाअनुसार हिजो ९० हजार ६ सय रुपैयाँमा कारोबार भएको छापावाला सुनको मूल्यमा आज १ सय रुपैयाँले बढेर ९० हजार ७ सय रुपैयाँ कायम भएको हो ।

त्यस्तै, छापावाल सुन प्रति १० ग्राम ७७ हजार सात सय ६० रुपैयाँ छ । महासंघका अनुसार तेजावी सुन प्रतितोला ९० हजार दुई सय रुपैयाँ   छ । तेजाबी सुन प्रति १० ग्रामको मूल्य ७७ हजार तीन सय ३० रुपैयाँ कायम भएको छ ।

महासंघले चाँदीको मूल्य प्रतितोला १२ सय १५ रुपैयाँ तोकेको छ । प्रति १० ग्राम चाँदीको मूल्य एक हजार ४२ रुपैयाँ तोकिएको छ । हिजो चाँदीको मूल्य प्रतितोला १२ सय १० रुपैयाँ थियो ।