एमसीसीको विरोध गर्दै काठमाडौंमा विप्लवको शक्ति प्रर्दशन

काठमाडौं । नेकपा विप्लव समूहले अमेरिकी सहयोग परियोजना मिलेनियम च्यालेन्ज कर्पोरेसन –एमसीसी) सम्झौताको विरोधमा काठमाडौंमा शक्ति प्रदर्शन गरेको छ ।

सोमबार माइतीघरमा भएको शक्ति प्रदर्शनमा महासचिव नेत्रविक्रम चन्द विप्लव, नेताहरु खड्गबहादुर विश्वकर्मा, हेमन्तप्रकाश वलीलगायतका नेताहरु पनि सहभागी भएर नारा लगाउँदै जुलुश निकालेका छन् ।

काठमाडौको त्रिपुरेश्वर, लैनचौर र बबरमहलबाट जुलुस निस्किएको छ । प्रदर्शनकारीले राष्ट्रघाती एमसीसी परियोजना खारेज गरौं, राष्ट्रिय सार्वभौमिकताको रक्षा गरौंजस्ता नारा लगाएका थिए ।

सडक र विद्युत प्रशारण लाइन निर्माणका लागि अमेरिकाले ५०० मिलियन डलर अनुदान दिन नेपाल सरकारसँग सन् २०१७ मा एमसीसी सम्झौता गरेको थियो ।