पछिल्लो २४ घण्टामा १४८६ जना कोरोना संक्रमित थपिए, १६ जनाको मृत्यु
काठमाडौं । पछिल्लो २४ घण्टामा देशभर १४८६ जनामा कोरोना संक्रमित थपिएका छन् भने १६ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार १२ हजार ५३२ पीसीआर परीक्षणमा ११४९ जना र ४००७ एन्टिजेन परीक्षणमा ३७ जना गरी १४८६ जनामा संक्रमण पुष्टि भएको हो ।
यससँगै देशभर सक्रिय संक्रमितको कुल संख्या २६ हजार ६३० पुगेको छ भने पछिल्लो २४ घण्टामा १२६० जना कोरोना संक्रमणमुक्त भएका छन् ।
यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ७ लाख ७८ हजार ३१२ र एन्टिजेन विधिबाट भएको परीक्षणमा ८७ हजार ३१ जना पुगेको छ । संक्रमितमध्ये हालसम्म ७ लाख ४० हजार ७१७ संक्रमणमुक्त भएका छन् ।
त्यस्तै हालसम्म कोरोना संक्रमणबाट मृत्यु हुनेको कुल संख्या १० हजार ९६५ पुगेको मन्त्रालयले जनाएको छ । यससँगै देशभर सक्रिय संक्रमितको कुल संख्या २६ हजार ६३० पुगेको छ ।
