असोज दोस्रो सातादेखि दशैंको लागि अग्रिम टिकट बुकिङ खोल्ने तयारी
प्रकाशित मिति : 19 September, 2021 3:26 pm
काठमाडौं । असोज दोस्रो सातादेखि दशैंको लागि अग्रिम टिकट बुकिङ खेल्ने भएको छ । दसैँ/तिहारका लागि यही असोज ९ देखि ११ गते भित्रमा दसैँका लागि टिकटको अग्रिम बुकिङ खुल्ने यातायात व्यवस्था विभागले जनाएको छ ।
विभागले यातायात व्यवसायी र ट्राफिक प्रहरीसँग समन्वय गरेर मात्र अग्रिम बुकिङ खुलाउने तयारी गरेको हो
यो वर्ष उपत्यकाबाट १० लाख हाराहारी मानिस दसैँमा बाहिरिन सक्ने अनुमान विभागले गरेको छ । विभागका अनुसार गत वर्ष कोभिडका कारण बढीमा ४ लाख मानिस दसैँ मनाउन उपत्यका छाडेका थिए ।
विभागका प्रवक्ता लोकनाथ भुसालका अनुसार अघिल्ला वर्षमा २०/२२ लाख मानिस घर जान्थे भने यस वर्ष धेरैले खोप लगाएकाले गत वर्षको भन्दा कम्तिमा दोब्बर करिब १० लाख मानिसले उपत्यका छाड्नेछन् ।