एभरेष्ट बैंकमा पहिलो पटक नेपाली सीईओ,नयाँ सीईओ राईले शुक्रबारदेखि जिम्मेवारी सम्हाल्ने
काठमाडौं । एभरेष्ट बैंकको प्रमुख कार्यकारी अधिकृत (सीईओ)मा नियुक्त सुदेश खालिङ राईले शुक्रबारलेखि कार्यभार सम्हाल्ने भएका छन् ।
२०७७ चैत तेस्रो सातामै खालिङलाई सीईओ पदमा नियुक्त भएका थिए । सीईओमा खालिङलाई सञ्चालक समितिले नियुक्त गरे पनि कार्यभार सम्हाल्न प्राविधिक कारणव ढिलाई भएको कम्पनी सचिव सुरेश चापागाइँले बताए ।
बैशाखको दोस्रो सातादेखि कायम मुकायम प्रमुख कार्यकारी अधिकृतका रुपमा नायब महाप्रबन्धक डा. सन्धिर कुमारले कार्यभार सम्हाल्दै आएका थिए ।
खालिङ एभरेष्ट बैंकको पहिलो नेपाली सीईओ हुन् । बैंकले २५ वर्षदेखि भारतीयलाई सीइओ बनाउँदै आएको थियो । सञ्चालक समितिको बैठकले पञ्जाव नेशनल बैंकले पठाएका गजेन्द्रकुमार नेगीलाई १७ महिनामै हटाएर खालिङलाई सीइओ नियुक्त गर्ने निर्णय गरेको थियो । एभरेष्ट बैंकमा पञ्जाव नेशनल बैंकको २० प्रतिशत लगानी छ ।
खालिङसँग सिटिजन्स बैंकको सञ्चालक समिति सदस्य, लक्ष्मी बैंक लिमिटेडको सीईओ, स्ट्यान्डर्ड चार्टर्ड बैंक लगायतका बैंक तथा वित्तीय संस्थामा २ दशक बढी काम गरेको अनुभव छ ।
