कपनमा असोज ४ गते ढलमा खसेका बालकको शव ललितपुरमा भेटियो
प्रकाशित मिति : 26 September, 2021 12:25 pm
काठमाडौं । कपनको मिलनचोकबाट असोज ४ गते ढलमा खसेर बेपत्ता भएका बालकको शव आज ललितपुरमा फेला परेको छ ।
बेपत्ता भएका १० वर्षीय बालक उज्जल विश्वकर्मा ललितपुरको बाग्मती गाउँपालिका १ स्थित घुसेलमा मृत अवस्थामा फेला परेको जिल्ला प्रहरी कार्यालय ललितपुरले जनाएको छ ।
“मृतक उज्जलको अनुसार चिन्न सकिने अवस्थामा थियो” ललितपुर प्रहरी प्रमुख किरण बज्राचार्यले भनिन् “बालकको कपडाबाट परिवारले शव पहिचान गरेका छन्, प्रहरीले शव टिकाभैरवसम्म बोकेर ल्याउँदैछन्, त्यहाँबाट पाटन हस्पिटलमा पोष्टमार्टमका लागि लगिनेछ ।”
