सेती नदीको किनारमा एक पुरुषको शव फेला
प्रकाशित मिति : 28 September, 2021 12:53 pm
पोखरा । पोखरा महानगरपालिका १ गाईघाटमा एक पुरुषको लास भेटिएको छ । मंगलबार बिहान अन्दाजी ३० वर्षीय पुरुषको बिहान शव भेटिएको जिल्ला प्रहरी कास्कीले जनाएको छ ।
गाइघाट स्थित सेती नदिको किनारामा दुई ढुंगाको बीचमा शव चेपिएको अवस्थामा स्थानीयले देखेपछि प्रहरीलाई खबर गरेका थिए ।
अहिले उक्त शव पोष्टमाटमको लागि पोखरा स्वास्थ्य विज्ञान प्रतिष्ठानमा पठाइएको कास्की प्रहरीले जनाएको छ । प्रहरीका अनुसार मृतक पुरुषको अझै पहिचान हुन सकेको छैन ।
