शुक्रबार सुनचाँदीको भाउ स्थीर
प्रकाशित मिति : 14 February, 2020 12:40 pm
काठमाडौ, २ फागुन । शुक्रबार सुनचाँदीको भाउ स्थीर छ ।
अघिल्ला दुई दिन लगातार घटेको सुनचाँदीको भाउ बिहीबार पुन: उकालो लागेकोमा शुक्रबार भने भाउमा कुनै फेरबदल भएको छैन।
नेपाल सुनचाँदी व्यवसायी महासंघका अनुसार शुक्रबार बिहीबार कायम मूल्यमा नै खरीद बिक्री भइरहेको छ । शुक्रबार छापावाल सुनको मूल्य ७६ हजार, तेजावी सुनको भाउ प्रतितोला ७५ हजार ७०० रुपैयाँ र चाँदी प्रतितोला ८८० रुपैयाँमा कारोबार भैरहेको हो ।
बिहीबार भने सुनको भाउ प्रतितोला ३०० रुपैयाँ तथा चाँदी प्रतितोला ५ रुपैयाँले बढेको थियो।
