अनुमति नलिई वडा कार्यालयमै जनयुद्ध दिवस मनाईएको भन्दै कांग्रेसको विरोध

रोल्पा, २ फागुन। रोल्पाको सुनिल स्मृति गाउँपालिका वडा नम्बर तीनको कार्यालयभित्रै सत्तारुढ नेकपाले जनयुद्ध दिवस मनाएको भन्दै नेपाली कांग्रेसले अापत्ति जनाएको छ ।

नेपाली कांग्रेस सुनिल स्मृति गाउँपालिका वडा नम्बर ३ कार्य समितिले विज्ञप्ति निकाल्दै वडाका का.वा. अध्यक्षको अनुमतिबिनै नेकपाले कार्यक्रम गरेको भन्दै बिरोध गरेको हो । विज्ञप्तिमा भनिएको छ,’अध्यक्षसंग कुनै अनुमति नलिई वडा कार्यालय जस्तो सरकारी निकाय जहाँ कुनै कार्यक्रम गर्न पाईदैन भन्ने मापदण्डलाई उल्लंघन गरि उक्त दिवस मनाएकोमा त्यस्तो निन्दनीय कार्यको घोर भर्त्सना गर्दछ ।’