नेकपा एमालेका नेता जोशी नेकपा एकीकृत समाजवादीमा प्रवेश

काठमाडौं । नेकपा एमाले सुदूरपश्चिमका नेता भानुभक्त जोशी नेकपा एकीकृत समाजवादीमा प्रवेश गरेका छन् ।

जोशीको प्रवेशसँगै सुदूरपश्चिममा नेकपा एकीकृत समाजवादी थप बलियो बनेको छ ।

नेकपा एमाले विभाजन भएपछि निर्वाचन आयोगले जनप्रतिनिधिलाई दल रोज्न समय सीमा दिएको थियो तर उक्त समयमा एमालेमै रहेका जोशी अहिले आएर एकीकृत समाजवादीमा प्रवेश गरेका हुन्।

माओवादी केन्द्र र एमाले एकीकृत भएर बनेको नेपाल कम्युनिष्ट पार्टी(नेकपा) मा जोशी सुदूरपश्चिमको सहइञ्चार्ज थिए।
काठमाडौंको थापागाउँमा भएको कार्यक्रममा नेकपा एकीकृत समाजवादीका अध्यक्ष माधवकुमार नेपालले जोशीलाई पार्टीमा स्वागत गरे।