बागमती प्रदेशमा नयाँ सरकार गठनका लागि दलहरूलाई आह्वान
प्रकाशित मिति : 27 October, 2021 4:33 pm
काठमाडौं । बागमती प्रदेशमा नयाँ सरकार गठनका लागि प्रदेश प्रमुख यादवचन्द्र शर्माले दलहरूलाई आह्वान गरेका छन्।
मुख्यमन्त्री अष्टलक्ष्मी शाक्यले आज राजीनामा दिएपछि भोली ३ बजेसम्मको समय दिएर प्रदेश प्रमुख शर्माले नयाँ सरकार गठनका लागि आह्वान गरेका हुन्।
संविधानको धारा १६८ को उपधारा २ बमोजिम प्रदेशसभामा प्रतिनिधित्व गर्ने दुई वा दुई भन्दा बढी दलको समर्थनमा बहुमत प्राप्त गर्न सक्ने सदस्यले मुख्यमन्त्रीमा दाबी गर्नेछन् ।
