सुर्खेतमा ब्राउन सुगर सहित ३ जना पक्राउ

सुर्खेत । सुर्खेतको वीरेन्द्रनगरबाट ब्राउन सुगरसहित तीन जना पक्राउ परेका छन् । उनिको साथबाट ६५० मिलिग्राम ब्राउन सुगर सहित ४ हजार ४ सय ८० रुपैयाँ नगद बरामद गरेको जिल्ला प्रहरी कार्यालय सुर्खेतले जनाएको छ । प्रहरीका अनुसार पक्राउ पर्नेमा वीरेन्द्रनगर नगरपालिका–८ सुकुमबासी टोलका १८ वर्षीय गणेश बि.सी, सोही नगरपालिका–२ जयपुर बस्ने २७ वर्षका दीपेन्द्र रोकाया (दुर्गे ) र २३ वर्षीय बखत विक रहेका छन् ।

लागूऔषधको कारोबार भइरहेको छ भन्ने विशेष सूचनाको आधारमा जिल्ला प्रहरी कार्यालय सुर्खेतबाट खटिएको प्रहरी टोलीले उनीहरूलाई नियन्त्रणमा लिएको हो ।