नेपाली बजारमा फर्मा उन्नत प्रविधि ट्रयाक्टर
प्रकाशित मिति : 18 November, 2021 5:23 pm
काठमाडौं । नेपाली बजारमा फर्मा उन्नत प्रविधि ट्रयाक्टर भित्रिएको छ । विश्व प्रसिद्ध फर्मा ब्राण्डकाे भारतमा उत्पादित ट्याक्टर यती टेक्निक फर्मा प्रा.लि.को भगिनी संस्था कृषि समूहले ट्रयाक्टर भित्राएको हो ।
ट्याक्ट्ररकाे एक कार्यक्रमकाबीच अर्थमन्त्री जनार्दन शर्माले सार्वजनिक गरेका हुन् । नेपालमा ट्याक्ट्रर सार्वजनिक गर्दै शर्माले कृषि विकासका लागि प्रविधिकाे महत्वकाे चर्चा गर्दै फर्मा ब्राण्ड नेपालमै उत्पादन गर्न चाहेमा सरकारले सहजीकरण गर्ने बताए ।
कृषि समूहका अध्यक्ष तेजविक्रम थापाले कृषि समूह र यसको भगिनी संस्था यती टेक्निक फार्म प्रा.लि.को ग्राहकहरूलाई निर्बाध रुपमा सेवा दिनका लागि नेपालभर बिक्री र सेवा आउटलेटहरूको बलियो नेटवर्क बनाएको बताए ।
