आइएमई मार्फत डेढ लाख पठाउनेले साँढे १२ लाख पाए

काठमाडौं । आइएमईले डबलको डबलको डबलका बम्पर उपहार पाउने विजेता घोषणा गरेको छ । लक्की ड्र मार्फत विजेता घोषणा गरिएको हो ।

जसमा युनाइटेड अरब इमिरेट्सबाट जिवेश दाहालले पठाएको पैसाको ८ गुणा बढि रकम पाएका छन् ।

उनले आइएमई मार्पmत १ लाख ५६ हजार ५५८ रुपैँया पठाएका थिए । उपहार मार्पmत दाहालले १२ लाख ५२ हजार ४६४ रुपैँया प्राप्त गरेका छन । आइएमईले दशैं, तिहार तथा छठ पर्वको अवसरमा ‘डबलको डबलको डबल’ अवसर सञ्चालन गरेको थियो । जसमा प्रत्येक साता एक एकजना विजेता समेत घोषणा गरिएको थियो ।

कार्यक्रममा आइएमई गु्रपका अध्यक्ष चन्द्रप्रसाद ढकालले भने “हामीले सुरु गरेको समयमा २० ३० प्रतिशत औपचारिक च्यानलबाट आउँथ्यो भने बाँकी ७० ८० प्रतिशत अनौपचारिक च्यानलबाट आउँछ भन्ने थियो त्यतिबेला । अहिले त्यो रिभर्स भएको जस्तो लाग्छ । फर्मल च्यानलबाट ल्याउन अझै हाम्रो तर्फबाट होस् चाहे सरकार, राजनिति दलको को तर्फबाट पहल गर्न जरुरी छ ।”

उनले विदेशबाट आएको रेमिट्यान्स लामो समयको लागि लगानी गर्न आग्रह गरे । नेपाल फर्किएपछि त्यसको फाइदा लिन सकिने उनले भने ।

आइएमई ग्रुपका प्रमुख कार्यकारी अधिकृत सुमन पोख्रेलले दशैं तिहारमा रेमिट्यान्स वृद्धि हुन्थ्यो तर यसपालि धेरै कम भएको बताए ।