पोखराको लेकसाइडमा आगलागी, पाँच पसल जलेर क्षति

पाेखरा । पोखराको लेकसाइड किनारमा आगलागी भएको छ । आगलागी हुँदा पाँच पसल जलेर  क्षति पुगेको छ ।

बिहान फेवाताल किनार फुटट्रयाकमा रहेको एक पसलबाट सुरु भएको आगलागीबाट सँगै रहेका पाँच पसल जलेका हुन् । रेष्टुराँ, खाजा पसल र जुस सेन्टरलगायतका पसलमा आगलागीले क्षति पुर्याएको वडा प्रहरी कार्यालय बैदामका कार्यालय प्रमुख एवं प्रहरी नायब उपरीक्षक चिनिमायाँ तामाङले जानकारी दिए।

आज बिहान ३ बजेदेखि लागेको आगो बिहान ६ बजे मात्रै नियन्त्रणमा आएको थियो । दमकलको सहायतामा प्रहरी, नेपाली सेना र स्थानीयवासीले आगो नियन्त्रणमा लिएका थिए ।

प्रहरीले आगलागीको कारण खुल्न नसकेको बताएको छ । विधुत सर्ट भएर आगो लागेको हुन सक्ने अनुमान गरिएको र थप अनुसन्धान भइरहेको जानकारी दिएको छ ।

• #अागलागी
• #पाेखरा