रोल्पा काँग्रेसमा आचार्य विजयी
उमा केसी-
रोल्पा । नेपाली काँग्रेस रोल्पाको सभापतिमा किशोर आचार्य विजयी भएका छन् । आचार्यले प्रतिस्पर्धी मानवहादुर खत्रीलाई ६२ मतान्तरले पछि पार्दै विजयी भएका हुन् ।
आचार्यले ५०२ मत प्राप्त गरेका छन् भने खत्रीले ४४० मत पाएका छन् । कार्यसमितिको अन्य पदाधिकारीमा पनि आचार्यको प्यानल विजयी भएको छ ।
कार्यसमितिको उपसभापितमा कविता उपाध्यायले ४७५ मत र हरिबहादुर पुनले ५०३ मत प्राप्त गरि विजयी भएका छन् । उपसभापतिको प्रतिस्पर्धी अमृत घर्तीले ४३० मत र लेखमणी डाँगीले ४४२ मत प्राप्त गरेका छन् ।
यसैगरि सचिव पदमा तिलबहादुर वुढाथोकी ५१३ मत र शेरवहादुर थापाले ४४५ मत प्राप्त गरि विजयी भएका छन् । सचिवका प्रतिस्पर्धी दिपक श्रेष्ठ ४०८ मत र रेगवहादुर पुनले ३९७ मत प्राप्त गरेका थिए ।
सहसचिवमा गंजवहादुर क्षेत्री ५५३ मत र सुनिलकुमार वली ४७२ मत प्राप्त गरि विजयी भएका छन । सहसचिवका प्रतिस्पर्धी लिलाधर आचार्य २६६ र हुकुम वुढाले ३८१ मत प्राप्त गरेका थिए ।
कुल १ हजार ९३ मतदाता रहेको रोल्पा काँग्रेसको निर्वाचनमा १ हजार ४२ मत खसेको निर्वाचन अधिकृत सूर्यवहादुर वलीले जानकारी दिनुभयो ।
निर्वाचनमा संस्थापन पक्षवाट मानवहादुर खत्री र संस्थापन ईतर पक्षबाट किशोरकुमार आचार्यले सभापतिमा प्रतिस्पर्धा गरेका थिए ।
कार्यसमिति सदस्य र महाधिवेशन प्रतिनिधिको मतगणना चलिरहेको छ । कार्यसमिति सदस्य र महाधिवेशन प्रतिनिधिमा पनि संस्थापन ईतर समूह अगाडी रहेको छ ।
