एमालेको १०औँ राष्ट्रिय महाधिवेशन आजदेखि

चितवन । नेकपा एमालेको १०औँ राष्ट्रिय महाधिवेशन आजदेखि चितवनमा सुरु हुँदैछ । उद्घाटन समारोह शुक्रबार चितवनको नारायणी किनारमा र महाधिवेशनको बन्दसत्र सौराहमा मंसिर ११ गते गरिने कार्यक्रम तय भएको छ ।

चितवनका विभिन्न स्थानबाट जुलूस सहित महाधिवेशनको उद्घाटन मध्याह्नपछि हुने नेकपा एमालेले जनाएको छ ।विभिन्न स्थानबाट निस्केकाे जुलूस नारायणी नदी किनारमा पुगेर उद्घाटन सभामा परिणत हुनेछ । उद्घाटन समारोहमा देशभरबाट ५ लाख मानिस उतार्ने एमालेले दाबी गरेको छ ।

महाधिवेशनको उद्घाटन सत्रमा सबै सहभागी आइपुग्न नसक्ने भएकोले ठूलठूला डिजिटल स्क्रिनमार्फत कार्यक्रमको लाइभ देखाइने भएकाे छ ।महाधिवेशनको उद्घाटनका लागि चितवनमा मात्रै ५० भन्दा बढी स्वागतद्वार तयार पारिएकाे छ।

• #एमाले १०औँ राष्ट्रिय महाधिवेशन