संचार मन्त्रालय अर्थमन्त्री डा. खतिवडाको जिम्मेबारीमा
प्रकाशित मिति : 20 February, 2020 9:58 pm
काठमाडौं, ८ फागुन ।
काठमाडौं । संचार तथा सूचना प्रविधि मन्त्री गोकुल प्रसाद बास्कोटाले दिएको राजीनामा स्वीकृत भएको छ । उनी सहरी विकास मन्त्री समेत थिए ।
राष्ट्रपति कार्यालयले उनको राजीनामा स्वीकृत गरेको जानकारी दिएको छ ।
प्रधानमन्त्रीको सिफारिसमा बास्कोटाले सम्हालेको सञ्चार मन्त्रालयको जिम्मा अब अर्थमन्त्री डा. युवराज खतिवडाले सम्हाल्ने छन् ।
सहरी विकास मन्त्रालयको कार्यभार भौतिक पूर्वाधार तथा यातायात मन्त्री वसन्तकुमार नेम्वाङ्गले सम्हाल्ने गरी तोकेको जानकारी दिएको छ ।
