जाजरकोटमा बस दुर्घटना हुँदा ५ जनाको मृत्यु, २५ जना घाईते
जाजरकोट । नेपालगञ्जबाट जाजरकोटका लागि छुटेको ना ६ ख २७५७ नम्बरको बस गए राति २ बजेतिर जाजरकोटको भेरी नगरपालिका–१३ बराहचौरमा दुर्घटनामा
हुँदा ५ जनाको मृत्यु भएको छ । दुर्घटनामा २५ जना घाईते भएको जिल्ला प्रहरी कार्यालय जाजरकोटले जनाएको छ।
मृत्यु भएकामध्ये तीन जनाको सनाखत भएको छ भने २ जनाको सनाखत हुन बाँकी छ । आठबिसकोट नगरपालिका रूकुमकी ४ वर्षीया दिब्या शाही, नलगाड नगरपालिका(१० का शेरबहादुर परियार र सप्तरीका ४० वर्षीय गंगाराम यादवको मृत्यु भएको प्रहरीले जनाएको छ। बसमा ३२ जना यात्रु सवार रहेको प्रहरीले जनाएको छ।
दुर्घटनामा परेर नेपालगञ्जका २५ वर्षीय मोहन खत्री, प्रकाश थापा, जाजरकोटको बारेकोट गाउँपालिका–९ का संगीता बुढा, कालीबहादुर बोहरा, मनिषा बोहरा, वडा नम्बर ७ का प्रेम सिंह, वडा नम्बर ६ का कमल चलाउने, वडा नम्बर १ का खम्बप्रसाद पुन घाइते रहेका छन्।
जाजरकोटको नलगाड नगरपालिका–१० का अमित ध्यार, अमित धामी, अमर दमाई, वडा नम्बर ४ का हजारी वली, वडा नम्बर १ का अभिषेक परियार, वर्षा परियार, विपना परियार पनि घाइते रहेको प्रहरीले जनाएको छ।
रुकुमको आठविसकोट नगरपालिकाका धर्मी मल्ल, जयकुमार रिजाल, सरोजचन्द्र शाही पनि घाइते छन्।
साथै जाजरकोटको कुशे गाउँपालिका–९ का गिता नेपाली, गणेश नेपाली, कोहलपुरका शेरबहादुर खत्री, रुकुमाको चौरजहारी नगरपालिकाका रमेश विष्ट, सप्तरीका हिरनजित यादव उक्त दुर्घटनामा घाइते छन्। घाइतेहरूमध्ये २ जनाकाे ठेगना खुलेको छैन।
