एमाले महाधिवेशन : मतदान सकियो, मत परिणाम छिटो सार्वजनिक हुने

साैराह । बिहान ४ बजेदेखि सुरु भएको नेकपा एमालेको चितवनमा जारी महाधिवेशनमा नेतृत्व चयनका लागि भइरहेको मतदान सकिएको छ।

निर्वाचनमा २ हजार ८३ भन्दा बढी मत खसेको योगेश भट्टराईले जानकारी दिएका छन् । तर कति मत खस्यो भन्ने विवरण औपचारिक रुपमा सार्वजनिक हुन बाँकी रहेका बताइएको छ ।

निर्वाचनमा विद्युतीय मेसिन प्रयोग गरिएकाले मत परिणाम छिटो सार्वजनिक हुने नेता योगेश भट्टराईले जानकारी दिए ।

सौराहमा आयोजित नेकपा एमालेको दशौं राष्ट्रिय महाधिवेशनको बन्दसत्रमा अध्यक्षसहित केही पदाधिकारी र केन्द्रीय सदस्यहरू चयनका लागि निर्वाचन भएको हो । सबैभन्दा पहिले अध्यक्षका उम्मेदवार केपी शर्मा ओलीले मतदान सुरु गरेका थिए । अध्यक्षमा ओली र भीम रावल उम्मेदवार छन् ।