स्रोत नखुलेको साढे ६९ लाखसहित बिइङ ह्युमनका म्यानेजर पक्राउ
प्रकाशित मिति : 5 December, 2021 4:01 pm
काठमाडौं । स्रोत नखुलेको रकमसहित बिइङ ह्युमनका म्यानेजर पक्राउ परेका छन् । आइतबार दरबारमार्ग स्थित बिइङ ह्युमनको कपडा पसलबाट म्यानेजर हिरोसी खनालाई प्रहरीले पक्राउ गरेको हो ।
विषेश सूचनाको आधारमा दरबारमार्ग क्षेत्रमा स्रोत नखुलेको रकम लुकाएर राखेको थाहा पाएपछि गत शुक्रबार देखि खटिएको प्रहरी टोलीले आज पक्राउ गर्न सफल भएको हो ।
टोली बिइङ ह्युमनको कपडा पसलमा पुगेर चेकजाँच गर्दा त्यहाँ ६९ लाख ५० हजार नगद फेला पारेको र म्यानेजर खनालले उक्त रकमको स्रोत खुलाउन नसकेपछि नियन्त्रणमा लिएको प्रहरीले जनाएको छ ।
