नेपाली कांग्रेसका नेता प्रकाशमान सिहंले शुरु गरे सम्पर्क कार्यलय
प्रकाशित मिति : 7 December, 2021 10:50 am
काठमाडौं । नेपाली कांग्रेसका नेता प्रकाशमान सिहंले नेपाली कांग्रेसको १४ औं महाधिवेशनलाई केन्द्रित गरी सम्पर्क कार्यलय शुरु गरेका छन् ।
आज बिहान एक कार्यक्रम गर्दै सिंहदरबार अगाडि यलम्बर पार्टी प्यालेस भाडामा लिएर सम्पर्क कार्यालय खोलेको जानकारी दिएका छन् ।
सभापति पदमा उठ्ने तयारी गरिरहेका पूर्वमहामन्त्री सिंहले सबैलाई भेटघाटको लागि उपयुक्त स्थान भएका कारण सम्पर्क कार्यालय खोलेका बताएका छन् । अब यही कार्यालयबाट सिंहले नेता तथा कार्यकर्तालाई भेटघाट गर्ने उनको सचिवालयले जनाएको छ।
१४ औं महाधिवेशनलाई लक्षित गरी महाधिवेशन प्रतिनिधि, नेता तथा कार्यकर्ता भेटका लागि अब प्रत्येक दिन बिहान ८ बजे देखि सम्पर्क कार्यलय खुल्ने जानकारी दिएका छन् ।
‘
